Gure erakundea

Ordezkaritza- eta administrazio-organo nagusia da Patronatua, eta Fundaek bere estatutuen eta indarreko araudiaren arabera garatzen duen jarduera osoa onesten du. Estatuko Administrazio Orokorreko, autonomia-erkidegoetako, CEOE eta CEPYME enpresa-erakundeetako eta UGT, CCOO eta CIG sindikatu-erakundeetako ordezkariek osatzen dute.

71 pertsona dira guztira; haietatik 18k enpresa- eta sindikatu-erakundeak ordezkatzen dituzte, 17k autonomia-erkidegoak (bana erkidego bakoitzeko) eta 36k Estatuko Administrazio Orokorra.

Legeari jarraikiz, Enpleguko Estatu Idazkaritzaren titularra da Patronatuaren burua. Patronatuak, gainera, lau presidenteordetza ditu: bat Estatuko Administrazio Orokorra ordezkatzeko, beste bat enpresa-erakundeena, beste bat sindikatu-erakundeak ordezkatzeko eta azkena autonomia-erkidegoak ordezkatzeko.

Salbuespenak salbuespen, Patronatuko kideen gehiengo erlatiboaren aldeko botoa behar dute akordioek; osaera horretan, %51 du Estatuko Administrazio Orokorrak. Berdinduz gero, aukera baten edo bestearen alde egiten du presidentearen botoak.

Sartu “Patroien atarian”.

Patronatuak, bestalde, osoko bilkuran edo kide gutxiagoko batzorde iraunkorrean har ditzake akordioak. Estatuko Enplegu Zerbitzu Publikoaren zuzendari nagusia da batzorde iraunkorraren burua.

Begiratu Fundaeko Patronatuaren kideen profilak.

Kudeaketako zuzendaritza

Kudeaketako zuzendaritzari dagokio:

Unitate hauek daude kudeaketako zuzendaritzaren mende:

Antonio de Luis Acevedo

Zientzia Politikoetan eta Soziologian lizentziaduna da, eta Kontsumoaren Soziologiaren Praxiari buruzko graduondoko unibertsitate-ikasketak egin zituen Madrilgo Complutense Unibertsitatean.

SEPE eta Fundaeren arteko landunentzako prestakuntza koordinatu du; horren baitan, prestakuntzako funts publikoen segimendu eta kontrolari lotutako zereginak egin ditu, baita prestakuntzari buruzko informazio-sistema publikoak diseinatu ere, eta, zehazki, Profesionaltasun Ziurtagirien Estatuko Erregistroa eta RECEX erregistroa.

Estatuko Enplegu Zerbitzu Publikoaren tokiko enplegu-zerbitzuko buru gisa, hainbat kargu bete zituen autonomia-erkidegoek Enplegu Zerbitzu Publikoen Informazio Sisteman (SISPE) parte hartzeko proiektuari eta aplikazioak kudeatu eta diseinatzeari lotuta. Horrez gain, PREPARA programaren laguntzen arduraduna izan zen.

Patronatuko hizketakide sozialek talde teknikoa dute beren funtzioak garatzen laguntzeko eta aholku emateko; horretarako, gobernu-organoetan eztabaidatu beharreko gaiei buruzko azterlanak eta txostenak prestatzen dituzte, eta Fundaeren jarduera eta funtzionamendua hobetzeko proposamenak helarazi. Enpresen eta langileen artean enplegurako prestakuntzaren azpisistema zabaldu eta sustatzeko erakunde-lanetan ere hartzen du parte taldeak.

SEPErekin koordinatzeko esparruan, zeregin hauek ditugu: prestakuntza-ekimenen aurrekontuaren segimendua egitea; erakunde horretan diru-laguntzen espedienteak bideratzea, laguntzak ordaintzeko; eta itzulketak kontrolatzea, bai itzultzeko prozeduretan, bai Laneko eta Gizarte-segurantzako Ikuskatzailetzatik datozen administrazio-erreklamazioetan. Unitatea horrek, gainera, laguntza teknikoa ematen dio SEPEri enplegurako lanbide-heziketako ekimenen segimenduan eta kontrolean.

Enpleguan Prestatzeko Estatuko Fundazioari segurtasun juridikoa emateaz arduratzen da, jarduketen legezkotasuna zaintze aldera. Fundazioa eta Enplegurako Prestakuntzaren Sistema eraldatzeko prozesuetan parte hartzen du; ildo horretan, enplegurako prestakuntzaren araudiari lotutako ondorioak eta aukerak aztertzen ditu, baita uneko araudira egokitzeko eta garatzeko premiak antzeman ere.

Halaber, nazioarteko erakundeekin koordinatzen da, batik bat Fundazioak Europan dituenekin zein Latinoamerika, Asia eta Ipar Afrikako herrialdeekin, enplegurako prestakuntzaren sistema sustatzeko beharrezkoak diren lankidetza-hitzarmenak bultzatze aldera.

Vicente Bertolin Puchol

Zuzenbidean lizentziaduna da, Valentziako Unibertsitatean. Masterra egin zuen Europako Erkidegoko Zuzenbidean, Madrilgo Complutense Unibertsitatean.

Erantzukizuneko eta goi-zuzendaritzako postuak bete ditu Fundazioan; 2001az geroztik du egungo kargua, Enpleguan Prestatzeko Estatuko Fundazioaren Patronatuko idazkaria izateaz gain, hura sortu zenetik.

Erakunde osoaren jarduerak garatzeko zerbitzu informatikoak kudeatu eta koordinatzen ditu, sistema telematikoen eraginkortasuna eta efizientzia bermatzen ditu eta zerbitzu informatikoen eta komunikazioen kalitatea zaintzen du, baita informazio- eta komunikazio-sistemen osotasuna eta segurtasuna ere.

Enpleguan Prestatzeko Estatuko Fundazioaren edo hark koordinatzen dituen datu pertsonalen baseak prozesatu eta zabaltzearen alorreko legezkotasuna betetzeaz arduratzen da.

María Gil Ayala

Soziologian lizentziaduna da, Soziologia Industrialeko espezialitatearekin, Madrilgo Complutense Unibertsitatean. Giza Baliabideen Zuzendaritza Masterra egin zuen ICADEn, Madrilgo Pontificia Comillas Unibertsitatean.

Prestakuntza-ekimenak zuzentzeko hainbat postu bete ditu Enpleguan Prestatzeko Estatuko Fundazioan. 2011ko urtarrilaz geroztik du egungo kargua.

Prozesu ekonomiko-finantzarioak eta orokorrak zuzentzen ditu; hala, Fundazioak funtzionatzen laguntzen du, baita aldatzeko estrategia berriak ezartzen ere, erakundearen diru-sarrerak eta gastuak behar bezala administratuz eta baliabide ekonomiko erabilgarriak kontrolatu eta kudeatuz.

Inbentarioa koordinatzen du, eta aktiboak, instalazioak zein lantokietako hornigaiak kudeatzen ditu. Era berean, laguntza tekniko-ekonomikoa ematen dio erakunde osoari.

Paz Díez León

Ekonomia eta Enpresa Zientzietan lizentziaduna da, CUNEF ikasketa-zentroan (Madrilgo Complutense Unibertsitatea).

Kontrol, auditoretza eta kudeaketa ekonomikoari lotutako zuzendaritza-kargu ugari bete ditu Enpleguan Prestatzeko Estatuko Fundazioan. 2001az geroztik, Kudeaketa Ekonomikoaren zuzendaria da

Fundazioaren Giza Baliabideetako politika eta jardunbideak zehaztu, koordinatu eta ezartzeaz arduratzen da. Lan-harremanetako negoziazioa garatu eta koordinatzen du, lan-arriskuen prebentzioaren arloko araudia betetzen dela ziurtatzen da eta pertsonen eta erakundearen garapenaz arduratzen da. Orobat, artxibo eta erregistroko zereginak antolatu eta gainbegiratzen ditu.

Antonia Casado Martín

Psikologian lizentziaduna da, Madrilgo Unibertsitate Autonomoan.

Eskarmentu handia du giza baliabideak antolatzen, planifikatzen eta kudeatzen. Enpleguan Prestatzeko Estatuko Fundazioan (Fundae), 15 urtez bete du giza baliabideen alorreko eginkizuna, eta arreta berezia jarri du lan-harremanetan eta lan-arriskuen prebentzioan. Hitzarmen kolektiboa negoziatzeko prozesuen buru izan da, eta Gizarte Erantzukizun Korporatiboko proiektu ugari sustatu ditu. Bere lanbide-esperientzian, aipatzekoa da zortzi urtez izan dela Antolaketa eta Giza Baliabideen zuzendaria.

Enpresetako prestakuntza-ekimenaren kudeaketa teknikoa egiten du, eta ekimen horren zein diruz lagundutako prestakuntza-ekimenaren emaitza tekniko-ekonomikoak egiaztatzen ditu.

Prestakuntzan inbertitutako baliabideak ahalik eta eraginkorren erabiltzeko prozedurak eta izapideak garatzen ditu.

Enpresek enplegurako prestakuntzaren sisteman parte hartzea sustatzen du, bereziki enpresa txiki eta ertainen artean, eta orientabide eta arreta osoko sistemak garatzen ditu enplegurako prestakuntzaren sistemako erabiltzaileentzat.

Esther Hernanz Jiménez

Zuzenbidean lizentziaduna da, Madrilgo Unibertsitate Autonomoan. Hainbat zeregin garatu ditu Enpleguan Prestatzeko Estatuko Fundazioan (Fundae) eta Estatuko Enplegu Zerbitzu Publikoarekin (SEPE) koordinatzeko unitatean. Eskarmentu handia du enplegurako prestakuntza-ekimenen segimendu eta kontrolean, 2011z geroztik.

2019tik, enplegurako prestakuntza-ekimenak kudeatzearen ondoriozko kudeaketa tekniko eta egiaztapeneko prozesuak planifikatzean, antolatzean eta zuzentzean oinarritu dira bere karguko zereginak.

Langile eta enpresen prestakuntza-beharrak planifikatu eta antolatzen ditu, Sektorekako Batzorde Paritarioen eta Estatuko Enplegu Zerbitzu Publikoaren proposamenekin bat.

Enplegurako prestakuntza-proiektuentzako diru-laguntzen estatuko deialdien instrukzioari laguntza teknikoa ematen dio zuzendaritzak. Haien eskabideak bideratu, kudeatu eta baloratzen ditu.

Manuela Hernán Fernández

Prestakuntzaren Plangintza, Balorazio eta Ebaluazioko zuzendaria. Psikologian lizentziaduna da, Madrilgo Unibertsitate Autonomoan. Orientazio eta Laneratze sustatzailea da, eta EINeko Lanbide Orientazioko Zerbitzuaren goi-mailako teknikaria.

Erantzukizuneko postu anitz bete ditu FUNDAEn: Batzorde Paritarioei laguntzeko zuzendaria; Ikerketa, Berrikuntza eta Kalitateko zuzendaria; Gaitasunen Joera eta Bilakaerako Zuzendaritzaren zuzendariondokoa; Prestakuntza, Gizarte Ekonomia eta Autonomoen Erakundeentzako Unitate Teknikoko burua.

Gaur egun, Prestakuntzaren Plangintza, Balorazio eta Ebaluazioko Zuzendaritzaren zuzendaria da.