A nosa Organización

O Padroado é o máximo órgano de representación e administración e o que aproba toda a actividade que desenvolve a Fundae de acordo cos seus estatutos e a normativa en vigor. Está composto por representantes da Administración Xeral do Estado, das comunidades autónomas, das organizacións empresariais CEOE e CEPYME, e das organizacións sindicais UGT, CC.OO e CIG.

Fórmano 71 persoas das cales 18 representan as organizacións empresariais e sindicais, 17 ás comunidades autónomas (unha por cada comunidade) e 36 á Administración Xeral do Estado.

Por lei, preside o Padroado a persoa titular da Secretaría de Estado de Emprego. O Padroado ten ademais catro vicepresidencias, unha en representación da Administración Xeral do Estado, outra das organizacións empresariais, outra representación das organizacións sindicais e unha última en representación das comunidades autónomas.

Os acordos requiren, agás excepcións, o voto a favor da maioría simple dos membros do Padroado, en cuxa composición a Administración Xeral do Estado ostenta o 51 %. En caso de empate, o voto do presidente decide en favor dunha opción ou outra.

Acceso ao "Portal patróns".

O Padroado, ademais, pode adoptar os seus acordos en pleno ou nunha Comisión Permanente que conta cun número reducido dos seus membros. Esta Comisión Permanente está presidida pola persoa titular da Dirección Xeral do Servizo Público de Emprego Estatal.

Podes consultar os perfís dos membros do Padroado de Fundae.

Dirección Xerencia

Corresponde á Dirección Xerencia:

Dependen de Dirección Xerencia as seguintes unidades:

Antonio de Luis Acevedo

Licenciado en Ciencias Políticas e Socioloxía e Posgrao universitario en Praxe da Socioloxía do Consumo pola Universidade Complutense de Madrid.

Foi responsable da coordinación da formación de ocupados entre o SEPE e Fundae desenvolvendo funcións relacionadas co seguimento e control de fondos públicos de formación, o deseño de sistemas de información públicos de formación e en concreto o Rexistro estatal de Certificados de Profesionalidade e o rexistro RECEX.

Como Xefe de Servizo de Emprego Local no Servizo Público de Emprego Estatal, ocupou diferentes cargos relacionados co proxecto de definición e participación das Comunidades Autónomas no SISPE, a xestión e o deseño de aplicacións e foi Responsable das axudas do Programa PREPARA.

Os interlocutores sociais presentes no Padroado contan cun equipo técnico que se encarga de asesoralos e darlles apoio no desenvolvemento das súas funcións, elaborando para iso análises e informes sobre os temas a tratar nos órganos de goberno e realizando propostas de mellora sobre a actividade e funcionamento de Fundae. Este equipo tamén participa nos labores institucionais de difusión e impulso do subsistema de formación para o emprego entre empresas e traballadores/as.

No ámbito da Coordinación co SEPE realízase o seguimento do orzamento das iniciativas de formación, a tramitación ante o devandito organismo dos expedientes de subvencións para o pagamento das axudas, así como o control de devolucións tanto en procedementos de reintegro coma en reclamacións administrativas dende a ITSS. Esta unidade ademais, encárgase de dar apoio técnico ao SEPE no seguimento e control das iniciativas de formación profesional para o emprego.

Ten a responsabilidade de dotar de seguridade xurídica á Fundación Estatal para a Formación no Emprego, velando pola legalidade das súas actuacións. Participa nos procesos de transformación e evolución da Fundación e do Sistema de formación para o emprego asumindo a análise das implicacións e alternativas xurídicas relacionadas coa normativa de formación para o emprego, así como a identificación de necesidades de desenvolvemento normativos e de adaptación á normativa existentes.

Asume tamén a coordinación con institucións do ámbito internacional, principalmente coas que a Fundación mantén no ámbito europeo, con países de América Latina, Asia e norte de África, impulsando os convenios de colaboración que sexan necesarios para promover o sistema de formación para o emprego.

Vicente Bertolin Puchol

Licenciado en Dereito pola Universidade de Valencia. Máster en Dereito Comunitario pola Universidade Complutense de Madrid.

Ocupou diversos postos de responsabilidade e de alta dirección na Fundación e desempeña este cargo dende 2001 ademais de ser Secretario do Padroado da Fundación Estatal para a Formación no Emprego dende a súa constitución.

Xestiona e coordina os servizos informáticos para o desenvolvemento das actividades de toda a organización, garante a eficiencia e eficacia dos sistemas telemáticos, a calidade dos servizos informáticos e das comunicacións, así como a integridade e seguridade dos sistemas de información e de comunicacións.

Vela polo cumprimento da legalidade en materia de procesamento e divulgación das bases de datos de carácter persoal coas que conta ou coordina a Fundación Estatal para a Formación no Emprego.

María Gil Ayala

Licenciada en Socioloxía, especialidade Socioloxía Industrial pola Universidade Complutense de Madrid. Máster en Dirección de Recursos Humanos en ICADE, ou Pontificia de Comillas de Madrid.

Ocupou distintos postos de dirección de iniciativas de formación na Fundación Estatal para a Formación no Emprego. Desempeña este cargo dende xaneiro de 2011.

Dirixe os procesos de carácter económico financeiro e de asuntos xerais, contribuíndo ao funcionamento da Fundación e á implantación de novas estratexias de cambio mediante a administración correcta dos ingresos e dos gastos da organización, e mediante o control e a xestión dos recursos económicos dispoñibles.

Coordina o inventario e xestiona os activos, instalacións e subministracións dos centros de traballo. Igualmente, facilita apoio técnico-económico a toda a organización.

Paz Díez León

Licenciada en CC. Económicas e Empresariais, centro de Estudos CUNEF - Universidade Complutense de Madrid.

Na Fundación Estatal para a Formación no Emprego vén desempeñando diversos cargos directivos relacionados coas áreas de control, auditoría e xestión económica. Desempeña o cargo de Directora de Xestión Económica dende 2001.

É a encargada de definir, coordinar e implantar as políticas e prácticas dos Recursos Humanos da Fundación. Desenvolve e coordina a negociación en materia de relacións laborais, vela polo cumprimento da normativa en materia de prevención de riscos laborais e responsabilízase do desenvolvemento das persoas e da organización. Así mesmo, organiza e supervisa as funcións de Arquivo e Rexistro.

Antonia Casado Martín

Licenciada en Psicoloxía pola Universidade Autónoma de Madrid.

Con ampla experiencia en organización, planificación e xestión dos recursos humanos, na Fundación Estatal para a Formación no Emprego (Fundae) desempeñou a súa función durante máis de 15 anos no ámbito de Recursos Humanos, con especial relevancia no campo das relacións laborais e a prevención de riscos. Estivo á fronte dos procesos de negociación do convenio colectivo e impulsou distintos proxectos de Responsabilidade Social Corporativa. Da súa experiencia profesional destacan os 8 anos como Directora de Organización e Recursos Humanos.

Realiza a xestión técnica da iniciativa de formación das empresas e verifica os resultados técnico-económicos da devandita iniciativa e da iniciativa de formación subvencionada.

Desenvolve os procedementos e trámites para a maior eficacia dos recursos investidos na formación.

Promove a participación das empresas no sistema de formación para o Emprego, especialmente entre as pemes, e desenvolve sistemas de orientación e atención integral aos usuarios do sistema de formación para o emprego.

Esther Hernanz Jiménez

Licenciada en Dereito pola Universidade Autónoma de Madrid. Desenvolveu diferentes funcións na Fundación Estatal para a Formación no Emprego (Fundae) e na Unidade de Coordinación co Servizo Público de Emprego Estatal (SEPE). Con ampla experiencia na área de seguimento e control de iniciativas de formación para o emprego, dende o ano 2011.

Dende o ano 2019 as funcións do seu cargo consisten en planificar, organizar e dirixir os procesos de xestión técnica e verificación derivados da xestión das distintas iniciativas de formación para o emprego.

Planifica e articula as necesidades de formación dos traballadores e as empresas en consonancia coas propostas da Comisións Paritarias Sectoriais e o Servizo Público de Emprego Estatal.

É a Dirección de apoio técnico á instrución das convocatorias estatais de subvencións dos proxectos de formación para o emprego. Tramita, xestiona e valora as solicitudes que concorren a estas.

Manuela Hernán Fernández

Directora de Planificación, Valoración e Avaliación da Formación. Licenciada en Psicoloxía pola Universidade Autónoma de Madrid. Promotora de Orientación e Inserción e Técnica superior do Servizo de Orientación Profesional do INEM.

Desempeñou diversos postos de responsabilidade en FUNDAE: Directora de Apoio a Comisións Paritarias; Directora de Estudos, Innovación e Calidade; Directora Adxunta na Dirección de Tendencias e Evolución das Competencias; Xefa da Unidade Técnica para as Entidades de Formación, Economía Social e Autónomos.

Na actualidade, Directora da Dirección de Planificación, Valoración e Avaliación da Formación.